అమెరికాలో...'కడుపు మంట '

"హేయ్ రిషీ...ఈరోజు రాత్రి నువ్వూ రమేష్ మా ఇంటికి రావాలి..సరదాగా అందరం కల్సి డిన్నర్ చేద్దాం...
మా వైఫ్ కి అల్ల్రెడీ చెప్పేసా..సొ బి రెడీ బై సిక్స్, ఐ విల్ కం న్ పిక్ యు గైస్ "

సముద్రంలో అలలు వువ్వెత్తున ఎగసి పడ్డాయ్..అగ్నిపర్వతాలు బద్దలయ్యాయ్...చరిత్రలో ఒక మహాఘట్టం ఆవిష్కరించబడింది..

మా బాసు.. నన్నూ మా తింగరోడిని ఇంటికి బోజనానికి పిల్చాడు...అహ నా పెళ్ళంట సినిమాలో కోటా కి ప్రతిరూపం లాంటి మా బాసు ...మా ఇద్దర్నీ ఇంటికి బొజనానికి పిలవటమే కాకుండా..వచ్చి పికప్ చేసుకుంటానన్నాడు..కలా నిజమా.!!!

డిన్నర్ పార్టీ కి కారణం తెలీదు ...తెలుసుకోవాలని కూడా అనిపించలేదు..రోజూ కిచెన్లో నేను చేసే ప్రయోగం మా రమేష్గాడి మీదా...ఆ తింగరోడు చేసే ప్రయోగం నా మీదా పరీక్షించుకుని చివరగా బ్రెడ్డో బన్నో తినడం అలవాటైపోయింది.

మా బాస్ నొట్లోంచి వచ్చిన ఆ అమృతం లాంటి మాట విన్నప్పటినుంచి...కిచెన్ లో కుళ్ళాయి లీక్ అయినట్టు..ఆనందంతో పది నిమిషాలకొకసారి నా కళ్ళల్లో నీళ్ళు కారుతూనే ఉన్నాయి.

అమెరికా వచ్చి నాలుగు నెలలయ్యింది... ఒక్కసారైనా ఇంటికి పిలిచి కనీసం ఓ అరకప్పు టీ కూడా ఇవ్వలేదు వెదవ అని నిద్రలో కూడా తిట్టుకునేది..ఇలాంటి మంచి మనిషినా ? నా మీద నాకే చాలా కోపం వచ్చింది.
అవున్లే ఇంటికిపిలిచి టీ కాఫీలు ఇవ్వటానికి మనం ఏమైనా..మేనేజర్లా ? ఆఫ్టరాల్ తొక్కలో సాఫ్ట్ వేర్ ఇంజినీర్లం...నాకు నేనే సర్ది చెప్పుకున్నాను.

ఏ పనీ చెయ్యబుద్దికావడం లేదు....కీ బోర్డూ మవుసూ వంక చూస్తే... చికెనూ మటనూ..రొయ్యలూ చేపలూ అందంగా పింగాణీ ప్లేటుల్లో సర్దిపెట్టినట్టుగా కనిపిస్తున్నాయ్...

కొద్దిగా తేరుకుని ...రమేష్ గాడి క్యూబికల్ కి వెళ్ళి చూసా..సీట్లో లేడు...డౌటొచ్చి బెంచీ కింద చూసా..కింద కూర్చొని పిచ్చి పిచ్చి గా వాడిలో వాడే నవ్వుకుంటున్నాడు...మనిషి కొద్దిగా సున్నితం ఇలాంటి షాకులు తట్టుకోలేడు.

మొహం మీద నీళ్ళు చల్లి ....లేపి కూర్చీలో కూర్చోబెట్టాను...

'ఓరెయ్ రిషిగా..బాసూ..భొజనం..అంటూ ఏడుస్తూ కౌగిలించుకున్నాడు...'

............................

లంచ్ చేస్తున్నప్పుడూ అదే ద్యాస ...లంచ్ బాక్సులో ఉన్న రెండు బ్రెడ్డు ముక్కల్ని కసితీరా కొరికి..ఈ రోజు రాత్రికి నిన్ను ముట్టుకోను..బతికిపోయావ్ పో..అనుకున్నా.
'ఓరెయ్ రిషిగా..రోజూ ఈ కోడిగుడ్లు తినీ తినీ ..ఏదో ఓ రోజు నువ్వూ నేనూ తలా ఓ గుడ్డూ పెట్టేలా ఉన్నాం రా...రాక రాక చాన్సొచ్చింది.. ఈరోజు బాసుగాడింట్లో మన బాటింగ్ అదిరిపోవాలి...నేను మాత్రం మొత్తం ఓవర్లు ఆడితే గానీ బాటింగ్ ఆపను.. ' అన్నాడు బాయిల్డ్ గుడ్డొకటి బుగ్గనేసుకుని మా రమేష్ గాడు.

ఈరోజు ఫ్రైడే అన్న ఆనందం ఒక వైపు ...రాత్రి బాసు ఇంట్లో జరగబోయె డిన్నర్ ద్రుశ్యాలు మరో వైపు మనసుని కితకితలు పెడుతుంటే....సాయంత్రం 4 కల్లా ఆఫీస్లోంచి చెక్కేసి...రూం లో

'గాల్లో తేలినట్టుందే....
గుండె జారినట్టుందె...
ఫుల్లూ బాటిలెత్తి...దించకుండా తాగినట్టుందె '

అని ఓ పావుగంట..నేను రమెష్ గాడూ స్టెప్పులేసుకున్నాం.

గంటలో రెడీ అయిపోయి...పాడ్లు కట్టుకుని ఫీల్డులోకి ఎంటర్ అవడానికి సిద్దంగా ఉన్న గౌతం గంభీరూ సెహ్వాగ్ జంటలా..నేనూ రమెష్ గాడూ బాల్కనీ లో కూర్చుని..వచ్చీ పోయె కారుల్లో మా బాసు గాడి కారు ఉందేమో అని చూస్తూ ఉన్నాం.

వచ్చేసాడు..మా బాసు. కంగారులో బాల్కనీ లోంచి దూకడానికి రెడీ గా ఉన్న రమేష్ గాడిని వారించి కిందకి నడిచి వెళ్ళి కార్లో ఫ్రంట్ సీట్లోకి మా తింగరోడిని తోసి నేను బ్యాక్ సీట్లో కూర్చున్నా..

'రై ..రై...' అరిచాడు మా రమేష్ గాడు.

కారు బాగానే నడుపుతున్నాడు మా గురువు...

'వాట్స్ అప్ గైస్ ...అవునూ మీరు రూం లో వంట చేస్కుంటారా ?' అడిగాడు మా బాస్.
'కటింగ్ సెక్షన్ నాది...' గొప్పగా చెప్పాడు మా తింగరోడు.
'ఓహ్..గుడ్...సొ వుల్లిపాయలు నువ్వు కట్ చేస్తే..రిషి వంట చేస్తాడన్నమాట ' అన్నాడు బాసు.
'కరెక్టు గా అన్నీ కట్ చేసి ఇస్తే..వంట చాలా ఈజీ సార్ ...మనం కటింగ్ సెక్షన్ లో కింగు ఏదైనా చిటికెలో తరిగి ఇచ్చెస్తా ' స్టార్ హోటల్లో చీఫ్ చెఫ్ లా చెప్పాడు మా వోడు.

'ఓహ్..గుడ్ గుడ్...' రమేష్ గాడి వంక చూసి ఓ నవ్వు నవ్వాడు మా బాసు.

అప్రైసల్ లో 5 కి 5 రేటింగ్ వచ్చిన వాడిలా..వెనక్కి తిరిగి చూసావా మన గొప్పతనం అన్నట్టు కళ్ళెగరేసాడు..మా తింగరోడు.


కార్ పార్క్ చేసి...ఇంట్లోకి తీసుకెళ్ళాడు మా బాస్.

'ఉమా ..హీ ఈస్ రిషి న్ హీ ఈస్ రమేష్....' వాళ్ళావిడకి పరిచయం చెసాడు.

'హలో బావున్నారా..ఈయన ఎప్పుడూ మీగురించే చెబుతూ ఉంటారు...అలా సోఫాలో కూర్చోండి..'

' ఏవండీ డిన్నర్ చేసేస్తారా ...ఇంకా వద్దు అంటే ఈలోపులో టీ ఇస్తాను ...రిషీ టీ తాగుతావా...లేక కాఫీనా ?'

రమేష్ గాడు ఇవేవీ పట్టిచ్చుకోకుండా..కిచెన్ వైపు చూస్తూ...కుక్క టైపులో ముక్కుతో వాసన చూస్తూ ఏం కూరలు వండారో అని గెస్ చేస్తున్నాడు '

'ఏనీ తింగ్ వోకే అండీ..' అన్నా...

ఎంత ఆప్యాయత..ఎంతా కలుపుగోలుతనం..నాకు 'సంక్రాంతి ' సినిమా చూస్తునట్టుగా ఉంది...మా బాసూ వాళ్ళావిడా సంక్రాంతి సినిమాలో వెంకటేషూ స్నేహా లాగా కనిపిస్తున్నారు...నా కళ్ళకి.

'ఓరెయ్ రిషీ..నాన్ వెజ్ లేదేమోరా...' స్మెల్ ఏం రావడం లేదు..చెవిలో గొణిగాడు రమేష్ గాడు.

చస్..నోర్మూసుకుని కూర్చో... నా అన్నా వదినలని ఒక్కమాటన్నా నేను ఊరుకోను.

'అన్నా వదినలేంట్రా ' కన్ఫ్యూస్ గా అడిగాడు రమేష్గాడు.

'ఇప్పుడే డిసైడయ్యా...మన బాసూ ఉమా గారూ..ఈరోజు నుంచీ మనకి పెద్దన్నయ్య వదిన టైపు...'

అర్దమయ్యీ అర్దంకానట్టు చూసాడు రమేష్ గాడు.

టీలు తాగి...టీవీలో కార్టూన్ షో చూసాకా...
ఇంక డిన్నర్ స్టార్ట్ చేద్దం అన్నారు మా వదిన. :)

మూతలు పెట్టిన గిన్నెలు టేబుల్ మీద పెడుతుంటే....వాటివంక కళ్ళర్పకుండా చూస్తున్నాడు మా రమేష్ గాడు.

'కమాన్ రమేష్....ఫీల్ ఫ్రీ' అని మా రమేష్ గాడిని ముందుకు తోసాడు మా బాసు.

అంతే వుసేన్ బోల్టు కి తాతలా పరిగెట్టి ప్లేటు తీస్కొని కున్ను మూసి తెరిచేలోపు టేబుల్ ముందున్నాడు రమేష్ గాడు.

"అన్నం, పప్పూ, సాంబారూ, ప్రియా పచ్చాడి... పెరుగూ"

ఫ్యూజు పోయిన బల్బులా ఉంది రమేష్ గాడి మొహం....నాన్వెజ్ లేదు అనే నిజాన్ని ఇంకా నమ్మలేకపోతున్నాదు...

చికెనూ మటనూ మాట దేవుడెరుగు...కనీసం మన టైపులో ఒక కోడిగుడ్డు కూడా లేదు ...ఇదేం దిక్కుమాలిన డిన్నర్ రా..అన్నట్టు చూసాడు నావైపు .

నాది కూడా ఇంచిమించు వాడి పరిస్తితి లాగానే ఉంది. అయినా ఉమా గారి ఆప్యాయత ముందు చికెనూ మటనూ ఒక లెక్కా అనుకుని...

'అన్నా.. వదినా...' అని రమెష్ గాడి చెవిలో గొణిగా...

'నీ బొంద '..గట్టిగా పైకే అన్నాడు మా తింగరోడు.

'కంద కాదు బాబూ ..ఇది పప్పే ' అంది మా బాసు వాళ్ళావిడ రమేష్ గాడి వంక చూసి.

మారు మాట్లాడకుండా...నా వైపు తిరిగి..ఏ పిచ్ అయితే ఏంటి...వెజ్ అయినా నాన్ వెజ్ అయినా...నా బాటింగ్ స్టైల్ మారదు..అని..బాటింగ్ మొదలెట్టాడు మా రమేష్ గాడు.

'ఈ సండే మా పాప బర్త్ డే ...' అన్నాడు మా బాసు.

'హెయ్ ...గుడ్ సార్...' అరిచాడు మా రమేషుగాడు ..ఎక్కడొ మళ్ళీ నాన్ వెజ్ ఆశ చిగురించింది వాడికి.

'ఏంటో మొన్నటి నుంచీ చూస్తున్నా...ఓ టెన్షన్ పడిపోతున్నారు..రిషీ రమేషూ ఉన్నారు కదా హెల్ప్ చేయటానికి..ఎల్లుండి పార్టీ అయ్యేదాకా ఇక్కడే ఉంటారు..ఏం రమేషూ.. ' అంటూ నా వైపు చూసింది బాసు వాళ్ళావిడ.

నాకేమూలో చిన్న అనుమానం మొదలయ్యింది....చూస్తుంటే అంతా ముందే రాసేసుకున్న స్క్రిప్ట్ ప్రకారం జరుగుతున్నట్టనిపించింది. బాసు వెదవ ఇంత సడన్ గా ఇంటికిపిలిచింది పని చేయించుకోడానికా!!!

'ఆ లేదండీ..రేపు మా కజిన్ వస్తాడు..నైట్ కి ఇంటికెళ్ళిపోవాలి ' అని చెపుదామనుకొనే లోపే...మా తింగరోడు కొంపముంచేసాడు.

'ష్యూర్ ..విత్ ప్లెసర్ ...అయినా మాకు వీకెండ్ లో ఏం పన్లుంటాయండీ..కాలేజ్ డేస్ లో రోజుకో బర్త్ డే పార్టీ చేసే వాళ్ళం..' నాన్ వెజ్ ఆశతో నోటికొచ్చినట్టల్లా వాగేసాడు రమేషు గాడు.

'ఒరేయ్ రమేషూ అదికాదురా...రేపు మా కజిన్ వస్తాడు కదరా' అన్నా...ఈ డైలాగ్ కి రమేష్ గాడు నావైపు తిరిగితే కన్ను కొట్టి విషయం అర్దం చేసుకోరా బాబూ అందామని నా అయిడియా..

'మీ కజినా ...అమెరికాలో ఎవరున్నార్రా ' నా వంక చూడకుండా సాంబార్ కలుపుతూ అన్నాడు రమేష్..

ఓరి తింగరముండాకొడకా...కొంపముంచేవ్ కదరా అనుకుని...ఇంక చేసేదేమీలేక..
'మార్నింగ్ వస్తామండీ ' అన్నా...మా బాసుతో.

'వోకె ..నో ప్రాబ్లం మార్నింగ్ 9 కి నేనొచ్చి పికప్ చేసుకుంటా' తప్పించుకునే చాన్సే లేదన్నట్టు చెప్పాడు మా బాసు.

డిన్నర్ కార్యక్రమం పూర్తయ్యింది....మా తింగర వెదవ నాట్ అవుట్ బాట్స్ మన్ గా చివరగా..వెళ్ళి చెయ్యికడుకున్నాడు.

మా బాసు గాడు మమ్మల్ని మా రూం దగ్గర డ్రాప్ చేసి..'మార్నింగ్ 9...బీ రెడీ' అనేసి..వెళ్ళిపొయాడు.

బాసు గాడు అటు వెళ్ళగానే...రమేష్ గాడిని వంగో బెట్టి నడ్డి మీద మోచేతితో 10 సార్లు గట్టి గా గుద్ది ...మదుబాబు నవల్స్ లో షాడో విలన్ని తన్నినట్టు డొక్కలో తన్నా '

తప్పించుకుని దూరంగా పరిగెట్టి...'ఏవయ్యింది రా ?' అన్నాడు.

'ఓరెయ్ తింగరి వెదవా...భోజనం ఆశ పెట్టి మనతో బర్త్ డె పార్టీ పన్లన్నీ చేయించ్కుందామని బాసుగాడి
ప్లాను రా..నువ్వేమో తిండి చూడగానే చంద్రముఖిలాగా మారిపోయి నావంక కనీసం చూడనయినా చూడకుండా సాంబార్ తాగుతావ్ రా ...?' కోపంగా అరిచా...

'అదేంట్రా...నువ్వే కదా మా పెద్దన్నయ్యా పెద్దొదినా అన్నావ్' అందుకనే నేనూ..నసిగాడు.

'నోర్ముయ్ రా పిడత మొహం వెదవా...బర్త్ డె పార్టీ అనగానే నాన్ వెజ్ ఉంటాది...కుమ్మెద్దాం అని నీ ప్లాను..' కోపంగా అన్నా..

'ఒరేయ్ రిషిగా...ప్రతీదాన్నీ అనుమానించడం కరెక్ట్ కాదురా...బర్త్ డె పార్టీ కి పన్లంటే ...బట్టలుతకడం, గోడలకి సున్నాలు వెయడం..వాళ్ళ పాపకి స్నానం చేయించటం కాదురా...ఎదో కుర్చీలు సర్దడం, షాపింగూ...రూం కి చిన్న డెకరేషనూ అంతే..ప్రపంచంలో ఏ బర్త్ డె పార్టీకీ అంతకుమించి పని ఉండదు...' వీపు రుద్దుకుంటూ అన్నాడు రమేష్ గాడు.

నేనేమీ మాట్లాడలేదు.....

'అయినా జస్ట్ ఈ మాత్రం హెల్ప్ చేయించుకోడానికి మనల్ని ఒక రోజు ముందుగా ఇంటికి భోజనానికి బుద్దున్న ఏ వెదవా పిలవడు రా...కళ్ళుమూసుకుని రేపు బాసు గాడికి ఆ చిన్న చిన్న పనులు చేసి పెడితే ఇంచక్కా పార్టీలో చికెనూ మటనూ కుమ్మేయచ్చు ' మళ్ళీ వాడే అన్నాడు.

ఈసారి నాకూ ఎందుకో మా తింగరోడు చెప్పింది నిజమనిపించింది.

'మ్మ్మ్హ్....మే బీ యు ఆర్ రైట్ ' అన్నా...వెంటనే మా రమేష్ గాడు నన్ను వంగోబెట్టి నడ్డి మీద 15 సార్లు గుద్ది రూంలోకి పరిగెట్టాడు.

రూం లో రాత్రి జల్సా పాటలు పెట్టుకుని...రమేష్ గాడు ఒక్కడే ఓ నాలుగు స్టెప్పులేసుకుని పడుకున్నాడు...

........................................

9 కల్లా మా బాసు రావడం ...వాళ్ళ ఇంటికెళ్ళి 10 కల్లా టిఫెనూ టీ పూర్తి చేయడం జరిగిపోయాయ్...
'చూసావా..నామాట విన్నందుకు పొద్దున్నే టిఫెనూ టీ ఫ్రీ గా కొట్టేసాం' అన్నట్టు చూసాడు రమేష్ గాడు నా వంక.

'ఏవండీ కొద్దిగా వుల్లిపాయలు కోసి పెట్టరూ ...' అడిగింది మా బాసుని వాళ్ళవిడ.

'నేను ఇంకా షాపింగ్ కి వెళ్ళి అవీ ఇవీ కొనాలి...మన రమేష్ కటింగ్లో కింగు..రమేషూ కొద్దిగా హెల్ప్ చెయ్యవా' మొహమాటం లేకుండా అడిగాడు మా బాసు.

నాకు ఎగిరి గంతెయ్యాలనిపించింది....తింగరి వెదవా..నేను చెబితే విన్నావా అని మనసులో అనుకుంటూ జాలిగా చూసా మా రమేష్ గాడి వైపు.

అప్పటికే కింద నాలుగు న్యూస్ పేపర్లు పరిచి ..2 కిలోల వుల్లిపాయలు 1/2 కేజీ పచ్చిమిర్చీ ...పెద్ద అల్లం ముక్కా పడేసింది మా బాసిణి ( బాసు పెళ్ళాం)

రమేష్ గాడి మొహం లో నెత్తురు చుక్క లేదు...పిచ్చిగా గాల్లోకి చూస్తున్నాడు.

ఎందుకైనా మంచిదని...నేనూ మీతో షాపింగ్ కి వస్తా అని మా బాస్ తో అన్నా...

వోకే ...నేనూ రిషీ వన్ హవర్లో వస్తాం.....ఈలోపు ఏమైనా హెల్ప్ కావాలంటే రమేష్ ని అడుగు అని రమేష్గాడికి వినపడేలా వాళ్ళావిడతో చెప్పి కారు తీసాడు బాసు.

.............................

అర డజను షాపులు తిరిగి...అడ్డమయినవీ కొని ఇంటికి చేరేసరికి మద్యాహ్నం రెండు అయ్యింది. గుమ్మంలో అడుగుపెట్టగానే...పరిగెట్టుకొచ్చింది మా బాసు వాళ్ళావిడ.

'ఏవండీ రమేషు కళ్ళు తిరిగి పడిపోయాడు ' కంగారుగా చెప్పింది.

'ఏం ఏమయ్యింది....' అంతే కంగారుగా అడిగాం నేనూ మా బాసూ..

'ఇప్పటి దాకా బాగానే ఉన్నాడండీ ....ఇందాక మన పాపని ఎత్తుకుని తిప్పాడు కూడా...నేను సోఫా కవర్లు మార్చాలి కొద్దిగా హెల్ప్ చేయవా రమేషూ అని అడిగా ఇంతలోనే....' జరిగిన విషయం ఇదీ అన్నట్టు చెప్పింది.

సోఫాలో కళ్ళు మూసుకుని పడుకున్న రమేష్ గాడిని చూసి జాలేసింది నాకు.

'ఏరా ఎలా వుంది ఇప్పుడు ?' అడిగాను..

సమాదానం గా .....మూడోకంటికి తెలీకుండా ఒక కాగితం నా చేతిలో పెట్టాడు రమేష్ గాడు.

విప్పి చూసాను...'నన్ను ఎలాగైనా ఇక్కడ నుంచి తీసుకెళ్ళిపోరా' అని ఉంది :)

మా తింగరోడి ప్లాన్ అర్దమయ్యింది...వెంటనే మా బాసు తో రమేష్ కి 'లో బీపీ' ఉంది అని చెప్పి...అర్జెంటుగా రూం కి వెళ్ళి మందులేసుకుని రెస్టు తీసుకుంటేగానీ మనిషి బతకడు అన్న టైపులో హడావిడి చేసేసరికి...మమ్మల్నిద్దరినీ మా రూం కి తీసుకెళ్ళి పడేసాడు మా బాసు.

.....................................

'ఇంక చాలు లెగరా......' అనేసరికి 'ఒరేయ్ రిషీ నీ రుణం జన్మ జన్మలకీ తీర్చుకోలేనురా.......' అని బావురుమన్నాడు రమెష్ గాడు.

వెక్కి వెక్కి ఏడుస్తూ...ఒరేయ్ నువ్వు నిన్న చెప్పిన మాట నిజమేరా...బాసు గాడి కూతురు బర్త్ డె పార్టీకి మనల్ని బాగా వాడుకున్నాడ్రా... అన్నాడు.

'ఏవయ్యిందిరా...జస్ట్ వుల్లిపాయలే కదా కోయమన్నారు....'

'దాని శార్దం దాని బొంద..బాసు గాడి పెళ్ళం కన్నా ..మన బాసు గాడే బెటర్ రా.....
నా జీవితం లో రోజుకి రెండు కన్నా ఎక్కువ వుల్లిపాయలు ఎప్పుడూ కొయ్యలేదురా..అలాంటిది..నాతో ఎన్ని కిలోల వుల్లిపాయలు కోయించింది రా...మీరు వెళ్ళిన తర్వాత ఇంకో కేజీ వంకాయలు కేజీ బంగాళదుంపలూ కోసిపెట్టాను.. ఒక పది నిమిషాలు బ్రేక్ ఇచ్చి నాకు రాదని చెప్పినా వినకుండా నాతో గ్రైండర్లో ఇడ్లీ పిండి రుబ్బించింది రా...తర్వాత నువ్వు అచ్చు మా తమ్ముడిలా ఉంటావ్ అని ...ఇల్లంతా వాక్యూం క్లీనర్తో ...........' వెక్కి వెక్కి మాటలు రావడం కష్టం గా ఉంది...రమేష్ గాడికి

'ఇన్ని పన్లూ చేసి...ఫైవ్ మినిట్స్ రెస్ట్ తీసుకుందామంటే...కొద్దిగా పాపని చూస్కోవా..అని పిల్ల ముండని నాకు బవలంతం గా అంటగట్టి వెళ్ళిపోయిందిరా....అది పాప కాదురా పీపా ...ఎత్తుకునితిప్పితే గానీ అది ఏడుపాపదని అర్దమయ్యి అరంగంట ఎత్తుకుతిప్పారా...ఇంక నా వల్ల కాక కింద కూర్చోబెడితే కండ వూడిపోయేలా జబ్బ పట్టుకుని కొరికేసిందిరా........మీరొచ్చేసరికి ప్రాణాల్తో ఉంటానో ఉండనో అని ఈ డ్రామా అంతా ...' ఏడుస్తూ చెప్పాడు ...

మా తింగరోడి కష్టాలకి ....మా బాసు దంపతుల పార్టీ మేనేజ్మెంట్ అండ్ రిసోర్సు యుటిలైజేషను తెలివికి నవ్వుకుంటూ ...వాడిని వూరుకోబెట్టి...పడుకోమని చెప్పి ...నేనుకూడా మంచం మీద వాలిపోయా..

............................

ఎవరివో మాటలు గట్టిగా వినపడేసరికి....మాంచి నిద్రలో ఉన్న నేను వులిక్కిపడి లేచాను. పక్క రూంలో రమేష్ గాడు ఎవరితోనో ఫోన్లో మాట్లాడుతున్నాడు....

'ఏంటీ పార్టీ నా ?'
'వెజ్జా నాన్ వెజ్జా '...........

బెంగులూరు-చందమామ-రాజమండ్రి

2007 వ సంవత్సరం.....ఒక రోజు...

సాయంత్రం బడి అయిపోయింతర్వాత..బుద్దిగా ఇంటికెళ్ళిపోయే పిల్లాడిలా లాంగ్ వీకెండ్ కి ..మా ఇంటికెళ్ళడానికి రాజమండ్రి బండెక్కేసా...బండి కదిలింతర్వాత జరగబోయేదేంటో..నాకు బాగా తెలుసు కాబట్టి..వెంటనే నిద్దరోయా.

ఇక్కడ కొన్ని జనరల్ నాలెడ్జి కొచ్చిన్లు..

1.ఇండియా కేపిటల్ ఏది ? ఆ: డిల్లీ

2.మూడు రెళ్ళెంత ? ఆ: ఆరు

3.బెంగులూరు టు వైజాగ్ వయా రాజమండ్రి APSRTC వాల్వో బస్సులో ఏ సినిమా వేస్తారు ?

ఆ: ఆ మాత్రం తెలీదా!! చందమామ, చందమామ..చందమామ.

నా సుడి మామూలు సుడి కాదు..వట్రసుడి...ఈ సినిమా గత 10 ట్రిప్పులో 30 సార్లు చూసా...బస్సు డ్రైవర్లు, అటెండెంట్ కుర్రాడు మారతారు తప్ప చందమామ మారే ప్రసక్తే లేదు. ఆ సినిమాలో యాక్ట్ చేసినోళ్ళంతా..మా చుట్టాలు అన్నంతగా..నా నర నరాన చందమామ సినిమా జీర్నించుకుపోయింది...

..........

'ట్వింకిలి ట్వింకిలి లిట్ట్లేస్టార్...హవ్వై వండరు వా...' ఎవడో నిక్రుష్టుడి రింగ్ టోన్ చెవుల్లో పొడిచేస్తుంది..

తెల్లారింది..కిటికీలోంచి చూసా..ఇంకా రాజమండ్రి రాలా.

ఫొన్ అరుస్తూనేఉంది ...వాడి రింగ్ టొన్ దెబ్బకి బస్సులొ అందరి మత్తూ దిగిపొయింది..ఆ దరిద్రుడు మాత్రం పడుకొనేఉన్నాడు.

నా పక్కసీట్లో అతనికి 'టాంక్ '..ఫుల్ టాంక్ అయ్యిందనుకుంటా..నిండుకుండలా..బాడీ కదపకుండా తల మాత్రం తిప్పుతున్నాడు..

మళ్ళీ..జనరల్ నాలెడ్జి..

ప్రశ్న: ఒక సంవత్సరంలో ఎన్ని సంవత్సరాలుంటాయ్ ..?

తిక్క ప్రశ్న...ఒప్పుకుంటాను..కానీ ఈ ప్రశ్న కి నాకు మాత్రమే ఆన్సర్ తెలుసు.

ఆన్సరు : ఒక సంవత్సరంలో రెండు సంవత్సరాలుంటాయ్ ...ఒకటి మామూలు సంవత్సరం..రెండోది..బెంగుళూరు నుంచి రాజమండ్రి చేరటానికి పట్టేది.

.................................

రాజమండ్రి స్టేషన్లొ బండి ఇంకా ఆగనేలేదు..నా పక్కసీటోడు..మాయం.

లగేజ్ తీస్కోని..లగేజి తీసిచ్చిన కుర్రోడికి పది పడేసి..కదిలా..

'ఇదిగో అబ్బాయ్...ఇదిగో నిన్నే..'

'ఏంటండీ...'

'నిన్ను కాదు ...ఆ రిక్షా అతన్ని..' చెప్పింది నాతోపాటే దిగిన ముసలావిడ రిక్షా వాడిని పిలుస్తూ.

దిమ్మతిరిగిపోయి .............ఏం చెయ్యాలో అర్దంకాక ...రోమింగ్ లేని నా ఫొన్ లో మా నాన్న తో మాట్లాడ్డం స్టార్ట్ చేసా.

2 నిమిషాల తర్వాత ఒక ఆటో నా ముందాగింది..

రాజమండ్రి లో ఆటో డ్రైవర్లు మాట్లాడరు...జస్ట్ మనవైపు చూస్తారు..మనమే మాట్లాడాలి.

'రంగారావ్ గారింటికి....వెళ్ళాలి ' కర్మ ...మళ్ళీ చందమామ ఎఫెక్టు..

'కాదు....పి అండ్ టి కాలని '

నిమిషం ఆలోచించి ...మెడ ఇలా ఎగరేసాడు..

నీ పిండం పెట్టా...అలా మెడ ఎగరేస్తే అర్దమేంట్రా ..మెడనెప్పా? వస్తావా? రావా?..అడుగుదామనిపించింది.

ఇంతలో వాడే...ఎక్కండి..అన్నాడు.

........ఉదయం ఎనిమిదిన్నరకి రాజమండ్రి ఇంకా నిద్రపోతూ ఉంది...చల్లగాలి...కంబాలచెర్వు కంపు...మనసు హాయి గా ఉంది.

మా వీది మొదట్లో ...చిన్న వినాయకుడి గుడి..రోడ్డుకి అడ్డంగా పెద్ద పందిరి ..అందులో 2 పెద్ద సౌండ్ బాక్సులు ...10 కుర్చీలు...ముగ్గురు పిల్లలు అందులో ఒకడికి బోసిమొల..ఇంకా ఒక పంతులు..చాలా సందడిగా ఉంది.

'జర జూము జూము...జర జూము జూము..జర జూం' ...హిమేష్ రేషిమియా గుక్కపెట్టి ఏడుస్తున్నాడు...గుళ్ళో.

ఆటో 360 డిగ్రీల కోణంలో ..అక్కడకక్కడే రివర్స్ తిప్పేసి..ఇక్కడనుంచి నీచావు నువ్వు చావు అన్నట్టు చూసాడు నా వంక ఆటో వాడు..

దిగి ఇంటేపు నడవడం...మొదలెట్టా...

'జర జూము...' రేషిమియా ఇంకా ఏడుపు ఆపలేదు.

'చీ..హెయ్ ..హెయ్..అవతలకి పో....'
మనల్ని కాకూడదనుకుంటూ ...పక్కకి చూసా..

'డాబా వాళ్ళింట్లో ముమైత్ ఖాన్ మొక్కలు తినేస్తుంటే...బయటకు..తోలుతున్నారు.'

కొమ్ములు కిందకివంగి ఉన్న ఏ గేదైనా..నాకు ముమైత్ ఖాన్ తో సమానం.

మా ఇల్లొచ్చేసింది.....మా అపార్ట్మెంట్ కింద కుర్చీ వేసుకుని ఒక మినిస్టర్ గారు పేపర్ చదువుకుంటున్నారు....ఆయన మాకు వాచ్మేన్ అవుతారు...వాడు చేసే ఒకే ఒక్కపని జీతం తీసుకోడం. ఆయనికి డిస్ట్రబెన్సు లేకుండా....మైన్ గేటు ఎడమ కాలితో గట్టిగా తన్ని ...తిరిగి గేటు మూయకుండా పద్దతిగా మెట్లెక్కి పైకొచ్చా...

'ఇప్పుడు మనం తెలుసుకోబోయే పదకొండవ సందేహము..తిండి మానేస్తే బరువు తగ్గుతారా...అది కేవలం మన అపోహ మాత్రమే'...అదొక టైపు గొంతుక

టీవీ లో 'మంతెన సత్యనారాయన రాజు గారి కార్యక్రమం'......నాన్నమ్మ, నాన్న గారు చూస్తున్నారు.

'ఇదిగో విజయలక్ష్మీ ...రిషి గాడొచ్చేసాడు ' వంటింట్లో అమ్మకి, వీధిలో వాళ్ళకి ..అందరికీ కలిపి ఒకేసారన్నట్టు పెద్ద కేక పెట్టింది మా నాన్నమ్మ.

నాన్న....మాట్లాడలేదు గానీ..ఒక నవ్వ్వు మాత్రం నవ్వారు. బహుసా... 'మంతెన ' గారి ఎఫెక్ట్ కావచ్చు.

'ఏరా..దిగింతర్వాత ఫొన్ చెస్తే నాన్న వచ్చును కదా...స్టేషన్ కి ' -అమ్మ .

'ఆ గెడ్డం ఏంట్రా వెధవా...రిక్షా వాడిలాగ..' ప్రేమగా కుక్కపిల్లని దువ్వినట్టు చేత్తో నా తల దువ్వింది నాన్నమ్మ.

'రాత్రేమైనా..తిన్నావా...' అడిగింది మళ్ళీ

'ఆ... తిన్నా...'

'తినకు..తినకుండా..అటూ ఇటూ తిరుగు.. ...అందుకనే అలా ఈనుప్పుల్లలా ఉన్నావ్'

( మా నాన్నమ్మ సౌండ్ ఇంజనీరింగ్లో ఎమ్మే చెసింది..మనం చెప్పేది వినిపడదు )

'తిన్నాడంటండీ .....' మద్యలో కల్పించుకుంది అమ్మ.

ఇప్పుడు మళ్ళీ జనరల్ నాలెడ్జీ కార్యక్రమం...

ప్ర: 'స్రుష్టిలో తియ్యనిది....... ?
ఆ: స్నేహం,..ప్రేమ..........బూడిద,బంకమట్టి ఇవేవీ కాదు....

స్రుష్టిలో ఏదైనా తియ్యగా ఉందీ అంటే ...అది కచ్చితంగా మా అమ్మ చేసే 'టీ' మాత్రమే...దానికి తిరుగులేదు.

మా అమ్మ ఫార్ములా అలాంటిది మరి....ఒక స్పూను పాలు, 3 స్పూనుల నీళ్ళు ...6 గరిటెల పంచదార.

అమ్మా....దువ్వన ఎక్కడుంది ?

..ఆ టీవీ పక్కనుంటుంది చూడు .....

మా అమ్మ ఇచ్చిన 'ఫార్ములా' తాగి.....దువ్వెనతో నాలికని బర బరా..బరుక్కుంటూ..బాల్కనీ లో నిలబడ్డా....

బయట ఇందాకంత రణగొణలు లేవు..హిమెష్ రేషిమియా ఏడ్చి ఏడ్చీ ...నిద్రపోయినట్టున్నాడు.

'స్నానం చేసెయ్యరా..ఫ్రీ గా ఉంటాది..జర్నీ చేసావ్ కదా' - నాన్నగారు

టవల్ కట్టుకున్నాను కదా....ఫ్రీగానే ఉంది...అన్దామనిపించింది...

నాన్న వదిలినా...మా ఇంజనీరు వదలదు ...ఈ సారికి సరెండర్ అయిపోదామని .....బాత్రూంలోకి వెలుతూంటే...

'ఇదిగో రిషి గాడికి టీ ఇచ్చేవా'..మా అమ్మని అడుగుతోంది నాన్నమ్మ..

'నేను టీ మానేసాను ' .....గట్టిగా అరిచి తలుపేసుకున్నా...

...............................

స్నానం చేసి వచ్చి..మా నాన్నమ్మ పక్కన కూలబడ్డా..

బయట ఏదో హడావిడి...వినాయకుడి గుళ్ళో మళ్ళీ ఎవడిదో ఏడుపు....

'పొద్దున్లెగాలి ....స్నానం చెయాలీ..పిఎంటి కాలానీ భక్త మహాశయులకు విజ్ఞప్తీ ....జిల్ జిల్ జిగా...జిల్ జిల్ జిగా....కాలనీ వినాయకుని నిమజ్జనం సందర్బంగా ......జిల్ జిల్ జిగా...జిల్ జిల్ జిగా....'

'హేపీడేస్ పాట.. ప్లస్... భక్తులకి విజ్ఞప్తి' రీమిక్స్..మంచి టాలెంటెడ్ DJ.

'జిల్..జిగ.......రేపు మద్యాహ్నం అన్న సంతర్పణ కార్యక్రమం జరగబోతున్నది....కావున..బాత్రూం లో పాటలు...

బ్రేక్ ఫస్ట్ లో బాటలు ......అందరూ సహకరించి తోచినవిదంగా....ఇక బస్సులకయ్ వైటింగూ....బియ్యం మరియు '

'మీ...మట్టి,మశానం......ఆపండరరెయ్....' అప్ర్యత్నం గా పైకే పెద్దగా అరిచా..

'నేను ఇందాకే తిన్నా.....నువ్వు తిన్నావ్రా రిషిగా...' నా అరుపుకి సమాదానంగా అంది నాన్నమ్మ.

'ఏంటి....'

'నాకు పొద్దున్న ఎనిమిది కల్లా పడిపోవాలి...మాత్రలు వేసుకోవాలి కదరా...'

'ఏం పడాలే ...'

'తలకి కొబ్బరినూనె రాయనా......'

మా సౌండ్ ఇంజనీర్ తో..నా తిప్పలు చూసి..నవ్వుకుంటూ మా అమ్మ దగ్గర్కి పరిగెట్టాడు మా నాన్న.

.........................

బెంగులూరు నుంచి రాజమండ్రి సంవత్సరం పాటు ...జర్నీ చేసి..వచ్చిన అలసట...నీర్సం గా రూపాంతరం చెంది...కొబ్బరి నూనె సీసా మా నాన్నమ్మ చేతిలో పెట్టి...నా తల అప్పగించి .......కళ్ళు మూసుకున్నాను..

దూరంగా...గుళ్ళో ఎవడిదో కొత్త ఏడుపు.....
'ఆ..సత్తే ఎ గొడవా లేదు..సత్తే ఎ గొడవా లేదు..'...ముదురు ఏడుపు......

అదండీ ...అలా జరిగింది

'విధి బలీయమైనది...', 'విధి ఆడిన వింత నాటకం...' ఇలాంటి డైలాగులు ఎప్పుడో పాత సినిమాల్లో విన్నానుకానీ ....అనుభవంలోకి రావటం...ఇదే ఫస్ట్ టైం. మే నెలలో అలాంటి అనుభవాలు చాల కలిగాయి ...అది ఏలాగంటే.........

'విధి బలీయమైనది...' = మా కంపెనీని ఎవడో కొనేసాడు.
'విధి ఆడిన వింత నాటకం...' = మా క్లైంట్ ని కూడా ఎవడో ఒక అప్ప్రాచ్యపు వెధవ కొనేసాడు.

'ఏం జరిగి ఉంటుందో ...ఈపాటికి మీకర్ధమై ఉండాలి....ఇంకా అర్ధం కాలేదా? .....ఐతే మళ్ళీ మొదటినుంచీ చదవండి :)

ఇహ చూసుకోండి .....నా సామి రంగా....ఆఫీసు లో కేబిన్లు,కేంటీన్లు,బాత్రూంలు...ఎక్కడ.. చూసినా ఒకటే చర్చలు, సమావేశాలు...ట్రైనీ ల నుంచి రేపో మాపో చచ్చి పోయేలా ఉండే ముసలి మేనేజర్ లు దాకా ప్రతీవోడు ఏదో వాడి సొంత ఇంటి స్థలాన్ని ఎవరో రాత్రికి రాత్రి కబ్జా చేసినట్టు బాధ పడిపోడం స్టార్ట్ చేసారు.

ఇంత.. హడావిడిలో ...'బయ్2 గెట్ 1' ఆఫర్ లా .. అనుకోకుండా నాకు ఇంకో సామెత ... అనుభవం లోకి వచేసింది...

'ములిగే నక్క మీద తాటిపండు పడినట్టు' = మా క్లైంట్ కంపెనీని ఎవడో కొనేయడం మూలానా....మా కంపెనీ ఇంకో పనికిమాలిన కంపెనీకి అమ్ముడుపోవడం చేతా...ముఖ్యం గా...'మద్రాస్ లో sharavana stores లాంటి ఇండియన్ కంపెనీ ఒకటి మా క్లైంట్ ని కొనేసిన వెధవని కల్సి ...అయ్యా మీ ప్రాజెక్ట్ మేము రూపాయి పావలా కే చేసేస్తాం అని ఆశ పెట్టడం వలనో '....మా టీం మొత్తాన్ని త్వరలోనే తన్నేసి... తర్మేయబోతున్నారని వార్త.

నమ్మండి....మా టీం పరిస్తితి ఎలా తయారయ్యిందంటే..' ఎవడో డిప్ప మీద కొట్టాడని కోపంగా వెనక్కితిర్గి చూసేలోపలె మళ్ళీ దవడ మీద లాగి కొడితే ..ఎలా ఉంటుంది ? ... అలా తయరయ్యిందన్న మాట...' . మరసటి రోజు నుచి...మా టీం లో ఎవడి మొహం చూసిన అదో రకమైన తెలీని ...అర్ధంకాని ...భావం. కొంతమందైతే ...నక్సలైటు ల్లాగా ....ముభావంగా...ఏదైనా పని తగిలి మాట్లాడితే ..కోపంగా..చూస్తూ..బయం పుట్టిచండం మొదలెట్టారు.

మరికొంతమది ...'పయనించే ఓ చిలుకా...ఎగిరి పో పాడైపోఎను గూడు ..' టైపు లో... కంపెనీ జంప్ చేసే ప్రయత్నాల్లో ఉన్నారు. ఇంకొంత మంది...'అటు కంపెనీ జంప్ చెయ్యరు...చేసే ప్రయత్నం కూడా చెయ్యరు గాని...ప్రజారాజ్యం పార్టీలో చేరేముందు TDP నాయకులు చేసే స్టేట్మెంట్స్ టైపు లో ....మేము ఫలాన కంపెనీ లో చేరబోతున్నామని ...ఆ కంపెనీ లోనే సామాజికన్యాయం జరుగుతుందని' కూతలు కుయ్యటం స్టార్ట్ చేసారు.

ఈలోగా...మా ఫ్లోర్ లో ఉండే...మిగతా ప్రాజెక్ట్స్ నుండి...జనాలు తండోప తండాలు గా ...మమ్మల్ని చూడ్డానికి..( పరామర్శ) రావటం మొదలెట్టారు..

' చూసావా వదిన...పాపం పెళ్ళయిన..రెండేళ్లకే పసుపు కుంకాలు తీసుపోయాడు ఆ భగవంతుడు ఈ ప్రాజెక్ట్ వాళ్ళకి...' అన్నట్టు...ఒకళ్ళ మొహాల్లో ఒకళ్ళు భావాలు పలికుంచుకుంటూ ...వాళ్ళేదో వాళ్ల ప్రాజెక్ట్ ని ..పెళ్లి చేసుకుని...అక్కడే సెటిల్ అయిపోయినట్టు...నలుగురైదుగురు పిల్లల్ని కన్నట్టు... ఫీలింగ్'

...నాకైతే...తిక్కరేగి పోయేది.....చెప్పలేదు కదూ నేను మా టీం కి పెత్తందారు...అర్ధం కాలే ? ప్రాజెక్ట్ లీడర్ని ...

ఫైన చెప్పిన సంఘటన వల్ల...' ఊరిలో పెళ్ళికి ...కుక్కల హడావిడి' అనే సామెత కూడా నాకు( మీకు కూడా ) తెలీకుండానే ...అనుభవం లోకి వచేసింది.

ఇది ఇలా ఉండగా..ఒకరోజు ...మా పనికిమాలినోడు (అదేనండీ PM ) ..వచ్చి పలకరింపుగా..పల్లికిలించాడు...

ఆ 'ఇకిలింపు' లో ....ఎన్ని అర్దాలు వెతుకోవచ్చనీ.....!!! మచ్చుకి కొన్ని...

'ఎంట్రా ఆడుకు దొబ్బుతున్నావా .......మరి పెండింగ్ పని ఎవడు చేస్తాడు బె'
'తింగరి వేషాలు వెయ్యకండి ....ఇంకా క్లైంట్ గాడు ఏమి క్లియర్గా చెప్పలేదురా..కుంకల్లారా.....'

....అర్ధమయ్యింది...ఇంక చాలు....ఆ.. ఇకిలించడం మానరా బాబూ..అని మనసులోనే అనుకుంటూ..
అత్తింటి వారి కోరికల్ని వెంటబెట్టుకుని పుట్టింటికి చేరిన.....కొత్త కోడల్లా...మా టీం దగ్గరికి వెళ్ళా...

ప్రకాష్....

ఏంటి...అన్నట్టు చూసాడు ...మా డెవలపర్ నా వైపు.

వీడి చూపులో కూడా ...చాలానే కనిపించాయి నాకు... మచ్చుకి..
'నేను ఇంకేపనీ చెయ్యను బె....నీ దిక్కున్నాకాడ చెప్పుకో పో'
'వీలుంటే...నువ్వు కూడా ఆ ప్రజారాజ్యం లో చేరు ( వేరే కంపెనీ) ...అంతే గాని నన్ను విసిగించకు..నేనసలే అంత మంచాన్డ్ని కాదు'

....వీడి తో డేంజర్ అని...రూట్ మార్చా...' ఐ జస్ట్ నీద్ యౌర్ హెల్ప్' ..ఇన్ కంప్లేటింగ్ ది రిలీజ్.... అన్నాను.

' హే కమ్మాన్ యా........ ఎవెర్య్థింగ్ ఇస్ ఓవర్ ...వై యు వాంట్ అల్ తేసే నౌ...?'
(తెలుగులో....ఒరేయ్ పిచ్చోడా..అంత అయ్యిపోయింది రా...ఇప్పుడెందుకు రా..ఇవన్నీ ?)

ఇంకా నయం ..నాలుగు అందుకోలేదు ...బ్రతికాం అనుకుని...ఇకమీదట...ఎవర్నీ...ప్రాజెక్ట్ విషయం మీద కదపకూడదని ఒట్టేసుకోవడం జరిగింది..

.. ఏంటో కర్మ...అటు మా క్లైంట్ ... మా కంపెనీ వాళ్లు బాగానే ఉన్నారు...ఇటు మా టీం కూడా...బాగానే ఉంది ... అందరూ కలిపి... నన్ను మాత్రం..ఏదో పాకిస్తాన్ ఉగ్రవాది లాగ చూస్తున్నారు .

'మొగుడు కొట్టినందుకు కాదు బాధ ....తోటికోడలు నవ్వి నందుకు ' అన్నట్టు తయారయ్యింది...నా పరిస్థితి. చూసారా...మరో సామెత అనుభవం :)

చిరంజీవి ప్రజారాజ్యం పార్టీ ప్రకటన లాగ .....ఊరించీ...ఊరించీ....ఊరించీ....ఇహ జనాలందరు....ఛీ ఎధవగోల ...నాకెందుకులే అనుకునే టైం ...లో ...పార్టీ ఏర్పాటుని పబ్లిగ్గా ...అనౌన్స్ చేసినట్టు...మా క్లైంట్గాడు కూడా ....ఆ సుభవార్త...మా చెవిన వేసాడు... మీటింగ్ పెట్టి కాన్ఫరెన్స్ కాల్ లో .....

'సో ఫ...యు గ.. డి ....వేగుడి..జా..'
(సో ఫార్ యు గయ్స్ డిడ్ వేరి గుడ్ జాబ్')

'థాంక్స్ ఫ...ఆ..హ్హ...గా..'
(థాంక్స్ ఫర్ అల్ యౌవర్ హార్డ్ వర్క్ గయ్స్ ')
'.....................................'

వినేవాడు వింటున్నాడు.....వినడానికి ఇంట్రెస్ట్ లేని వాళ్లు..మా పెద్దోడు (PM) వంక...నా వంకా...సీరియస్ గా మొహం పెట్టి చూస్తున్నారు.
క్లైంట్ చెప్పేది...అర్ధంకాని వాళ్లు మాత్రం ....'పాకిస్తాన్ చేతిలో ఘోరంగా వోడిపోతున్న ఇండియా ' క్రికెట్ మాచ్ కామెంటరీ రేడియో లో వింటున్నట్టు...బాధగా..పెట్టారు..మొహాలు.

....హహ్...హ్చాహః...ఇక్కడ కూడా ఒక సామెత అనుభవం లోకి వచ్చేసింది...బట్ ఇది మాత్రం...నాకు ప్లస్ మా పెద్దోడికి కూడా .....

సామెత: 'ఒప్పుకున్నా... పెళ్ళికి వాయించక తప్పదు' ......

ఇహ మీటింగ్ చివర్లో జరిగిన...ఒక చిన్న ట్విస్ట్......
'మణిరత్నం రోజా సినిమాలో ....అరవిందస్వామి ...మధుబాల అక్కని చూడ్డానికి వచ్చి ...అక్క కాదు..మధుబాలే నచ్చింది..అన్నట్టు...' కచ్చితం గా అలాగే అనకపోయినా....ఇంచుమించుగా..ఆ టైపులోనే
మా క్లైంట్ గాడు....సడన్ గా...మీటింగ్ చివర్లో........
' సారీ తో మిస్సు యు అల్....బట్ యాస్ దిస్ కస్ద్ ఐ వాంట్ రిషి...అండ్ వాన్ మోర్...పర్సన్ to జాయిన్ ది టీం ఇన్ న్యూయార్క్....' అనేసర్కి ...అందరికి...చిన్న షాక్..నాతో సహా...

...............తర్వాత ఏం జరిగుంటుందో ....వెధవది మీకు నేను చెప్పాలా....తెర తీయకుండానే మనం ..అమెరికా గడ్డ మీద ఎడమ కాలు పెట్టేశాం...

'ఇక్కడ...కూడా....ఒక సామెత'...... ఇంకా అనుభవం లోకి రాలేదు...బట్...రాబోతుంది...

' ముందుంది.. ముసళ్ళ పండగ..' ......

రాంబాబు-రాజ్యం

వాతావరణం లో పెద్ధగా మార్పులు ఏమీ ఉండవు.....తెలంగాణ కోస్తాలలో అక్కడక్కడ జల్లులు పడే అవకాశం ఉంది. ఇక రాష్త్రం లోని నాలుగు ప్రదాన నగరాలలో ఈ రోజు నమోదైన...........

తెల్లవారుజామున దుప్పటి ముసుగుతన్ని మాంచి నిధ్రలో ఉన్న రాంబాబు ఉలిక్కి పడ్డాడు ....ఇంత పొద్దున్నే టీవీ పెట్టుకుని వెథర్ న్యూస్ చూస్తున్న గాడిద ఎవరబ్బా అనుకుంటూ ముసుగులోంచి తల బయటకి పెట్టి చిరాగ్గా బుర్ర గోక్కున్నాడు ...

'తిరుపతి గరిష్టం 32.5 కనిష్టం 19.4 విశాకపట్నం 30.1 22.3...........'

మరింత దగ్గరగా వినపడింది........ఒక్కసారిగా పిడుగు నెత్తిమీద పడ్డట్టు కొయ్యబారి పొయాడు రాంబాబు, ఒంట్లో ఉన్న రక్తం ఎవరో స్ట్రా పెట్టి పీల్చినట్టుగా ఉంది... చీకట్లొ గొంతు వినపడుతున్న వైపు బేలగా చూసాడు...
రాంబాబు బార్య రాజ్యం నిద్రలోనే టీవీ9 లో న్యూస్ రీడర్ లాగ చకా చకా వెథర్ న్యూస్ చదువుతూ ఉంది.

'ఇవీ ఈరోజు వాతావరణ .......'

దీని దుంపతెగ మళ్ళీ దీనికి ఆ దిక్కుమాలిన కలవరింతల జబ్బు థిరగదోడింది......బెడ్ లైటు వేద్దామని విసురుగా లేచి చీకట్లో కనపడక పక్కనున్న ట్రంకుపెట్టికి మోకాలు తగలటంతో ప్రాణం పోయినట్టయ్యింది రాంబాబుకి.

'......చూస్తునే ఉండండి టీవీ 9...' చెప్పుకుపోతూఉంది రాజ్యం..

అరికాలి మంట నెత్తికెక్కింది రాంబాబుకి ....చీకట్లో ఎలాగో కుంటుకుంటూ వెల్లి లైటు వేసాడు...అయిదేళ్ళ బాబి గాడు దుప్పట్లోంచి బుర్ర కొద్ధిగా బయటకుపెట్టి రాజ్యం వంకా రాంబాబు వంకా భయం భయం గా చూస్తున్నాడు.....లైఫ్ లో ఫస్ట్ టైం జీవితం మీద విరక్తి కలిగింది రాంబాబుకి.

' టీవీ9 లో న్యూస్ రీడర్ కి బ్రేక్ దొరికినట్టు సైలెంటు గా ఉంది రాజ్యం'.

విసురుగా వెళ్ళి ఫ్రిజ్ లోంచి వాటర్ బాటిలు తీసుకువచ్చి నీళ్ళు గుప్పెట్ట్లోకి వంచుకుని రాజ్యం మొహం మీద కొట్టాడు. దెబ్బకి స్ప్రుహలోకి వచ్చింది రాజ్యం ...ఎదురుగా నుంచున్న బర్తని...మంచం మీద ఒక మూలగా కూర్చున్న బాబి గాడిని చూసి...ఇంత రాత్రి పూట మొహం మీద నీళ్ళు కొట్టి మరీ లేపారేమిటబ్బా అనుకుని...
ఏంటండీ...పీడకల ఏమైనా వచ్చిందా .....మొహం అలా పెట్టారు, ఏరా బాబిగా నాన్నారిని చూసి జదుచుకున్నావా నాన్నా....పిచ్చి వెధవా...వెధవికి అన్నీ భయాలే ....

పిచ్చెక్కి నట్టు చూసాడు బాబి రాంబాబు వంక.

పీడకలా నీ బొందా...నువ్వే నిద్దర్లో పిచ్చి పిచ్చి గా మాట్లాడుతుంటె హడలిపోయి వెళ్ళి మంచం మీద ఒక మూల కుచ్చుని పిచ్హి చూపులు చూస్తున్నాదు.అయినా నీకిదేం పొయేకాలమే ....ఎవరైనా పిల్లల గురించో లేకపోతే దగ్గర వాళ్ళ గురించో బెంగ పెట్టుకుని నిద్ద్దర్లో కలవరిస్తారు ....అది కూదా ఒక ముక్క...లేక పొతే ఒక లైను. నువ్వేంటే ....వార్థలకి వార్తలు చదివేస్తున్నావ్...' తల గోడకేసి బాదుకున్నాడు రాంబాబు.

ఒక్కసారిగా పరిస్తితి అర్దమై బావురుమంది రాజ్యం.'నా దరిద్రపు జబ్బు వల్ల మిమ్మల్ని బాబి గాడ్ని ఇంత బాధ పెదుతున్నాను...దీనికనా ఏ నుయ్యో గొయ్యో చూసుకునుంటే బాగున్ను రా దెవుడోయ్ ....సన్నగ ట్యూన్ మొదలుపెట్టి బాబి గాడిని దగ్గరకి తీసుకోవటానికి ట్రై చేసింది రాజ్యం, చెంగుమని దూకి రాంబాబు వెనకాల దాక్కున్నాడు బాబి గాడు.
చూసావా రాజ్యం .....నా సంగతి వదిలెయ్ ...వాడు చూడు నిన్ను చూసేసరికి బయపడి పారిపోతున్నాడు...నా మాట విని ఆ వెధవ టీవీ చూడ్డం మానెయ్, ఆ రోజు డాక్టరు గారు కూడా అదే చెప్పారు గుర్తుందా....టీవీ చూడ్డం మానెయ్ మని......
సడన్ గా ఏదో గుర్తుకు వచ్చినట్టు ఆగి....అయినా మనింట్లో కేబుల్ టీవీ తీయించేసాను కదా ....అని రాజ్యం వంక చూసాడు ప్రస్నార్దకంగా..
ఏదొ క్లూ దొరికినట్టు వెలిగింది రాజ్యం మొహం ...అంతలోనే బాదగా రాంబాబు వంక చూసి..'ఈ రోజు వరలక్ష్మి వ్రతం కదా పక్కింటి పిన్ని గారు పేరంటానికని పిలిస్తే వెళ్ళాను ....పూజ ఇంకా అవ్వలేదు 10 నిమిషాలు కూర్చో అమ్మాయ్ అంటే...కూర్చిని టీవీ లొ వార్తలు వస్తుంటే .....నసిగింది....రాజ్యం.
విషయం అర్దమయ్యింది రాంబాబుకి....భార్య మీద జాలేసింది ....సరేలే నువ్వు పడుకో...పొద్దున్న మాట్లాడదాం అని బాబి గాడిని బుజమ్మీద వేసుకున్నాడు.

పడుకున్నాడు గాని నిద్ర రావటం లేదు రాంబాబుకి..ఏదో ఒకటి చేసి ఈ సమస్యకి ఒక పరిష్కారం కనుక్కోవాలి...నిజానికి రాజ్యానికి ఈ ప్రొబ్లం ఒక సంవత్సరం నుంచి మొదలయ్యింది .....బహుసా ఒక్క సంవత్సరం లొ పుట్టుకొచ్చిన లెక్కలేనన్ని టీవీ చానెల్స్ వళ్ళ కూడా కావచ్చు...అందుకనే ఇంట్లో టీవీ కూడా తీయెంచేసాడు ....టీవీ చూడనంతకాలం బాగానే ఉంటుంది రాజ్యం...అలాగని చుట్టుపక్కల వాళ్ళ ఇంటికి వెళ్ళటం కూదా తగ్గించింది కూడా...అయినా ఎప్పుదో ఒక సారి ఇలా విధి ఆడుతున్న వింతనాటకంలొ రాజ్యం దొరికిపోయి తాను బలయ్యిపోతున్నాడు.

10 రోజుల క్రితం జరిగిన సంగటన గుర్తుకొచ్చింది రాంబాబుకి...తమ్ముడి కూతురి ఫంక్షన్ కి పుట్టింటికి బయలదేరింది రాజ్యం, ఆ వూర్లొ కేబుల్ టీవీలు సినిమా హాల్సూ గట్రా లేకపోవటం చేతా ....రాజ్యం కలవరింతల సంగతి బావమరిది కి ఆల్రెడీ తెలియడం చేతా ...తనూ ఎటువంటి అభ్యంతరం లేకుండా వెళ్ళిరమ్మన్నాడు. రెండు రోజులూ ఒక రేంజులో నిద్ర పోయాడు రాంబాబు. మూడో రోజు ఉదయం ఆఫీసుకి రెడీ అవుతుండగా మోగింది సెల్ ఫొను....డిస్ప్లే మీద బావమరిది పేరు చూడగానే విషయం అర్దమయిపోయింది రాంబాబుకి..ఫొన్ ఎత్తి హలో అన్నాడు నీర్సంగా ......
బావగారూ మా అత్తగార్కి చాలా సీరియస్గా ఉంది ...మీ వూరు తీసుకొస్తున్నాం...ఇంకొ 3 గంటల్లొ అక్కడుంటాం......ఈలోగా ఏ హాస్పటల్ బాగుంటుందో చూడండి....మిగతా విషయాలు వచ్చాక మాట్లాడతాను......రెండు ముక్కల్లో చెప్పి ఫొన్ పెట్టేసాడు. సో నేను అనుకున్నట్టు రాజ్యం ఏమీ హడావిడి చెయ్యలేదన్నమాట ...హమ్మయ్య నిట్టూర్చాడు రాంబాబు.

బావమరిది అందర్నీ తీస్కుని వచ్చేసరికి 12 అయ్యింది. అందరూ ముభావంగా ఉన్నారు...రాజ్యం బాబి గాడి తో సహా. కంగారు పడవలసిన అవసరంలేదు అని డాక్టరు అనగానే అప్పటిదాకా అటెన్షన్ పొజిషన్లొ ఉన్నవాల్లంతా రిలాక్స్ అయిపోయి తలో బెంచీమీదా కూలబడ్డారు. నెమ్మదిగా రాజ్యం దగ్గరకి వెళ్ళి అసలేమయ్యింది? అడిగాడు రాంబాబు. మౌనం గా తమ్ముడి వైపు చూసింది....రాంబాబు ఓపిగ్గా బావమరిది దగ్గరికి వెళ్ళాడు,
ఏమీ అదక్కుండానే ...'ఆ ఏంలేదండీ తెల్లవారుజామున పెద్దగా కేకలు వేస్తూ ఆ తర్వాత మాట లేకుండా పడిపోయిందీ. చెప్పాడు రాంబాబు బావమరిది.
ఎందుకో రాజ్యం మీద డౌట్ వచ్చింది రాంబాబుకి, కాని అదే నిజమయితే ఎవరో ఒకళ్ళు ఈపాటి చెప్పేవారు కదా అనుకున్నాడు. రాజ్యం వంట చేసుకొస్తానని ఇంటికి వెల్లిపొయింది.
బాబి గాదిని వళ్ళో కూచూపెట్టుకుని ఏరా నాన్న ఏం చేసావ్ అమ్మమ్మా వాళ్ళ ఇంట్లొ ఈ మూడు రోజులూ...ముద్దుచేస్తూ అడిగాడు కొడుకుని రాంబాబు.
'మలేమో శీను బావ బొమ్మలు కొన్నాలు.....అమ్మమ్మ జంతికలు చేచిందీ ......'
'సీను బావ చినిమా చీడీలు తెచ్చాలు....అందలం కల్చి చంద్రముఖి చినిమా కూలా చూచాం'
గుండె గుభేల్మంది రాంబాబుకి... 'చంద్రముఖి చినిమా ఎప్పులు చూచారు ' కొడుకు లాంగ్వెజ్ లొనే అడిగాదు రాంబాబు. నిన్న లాతిరి.....ముద్దుగా చెప్పాడు బాబి.
మొత్తం విషయం అర్దమయ్యిపొయింది రాంబాబుకి... కొద్దిసేపు గాల్లో పిచ్చి చూపులు చూస్తూ కూర్చున్నాడు. అక్కడున్న వాళ్ళందర్నీ చూస్తె జాలేసింది...ఎందుకో అందరూ అప్పుడప్పుడూ తనవైపు జాలిగా చూస్తున్నట్టుకూదా అనిపించింది రాంబాబు కి.
***************************************
ఆఫీసుకి టైం అవుతూంది లేవండీ ....రాజ్యం కేకతో మెలుకువవచ్చింది రాంబాబుకి.
అరగంటలో రెడీ అయ్యి ఆఫీస్కి వెళ్ళి తన కూర్చీలో కూలబడ్డాడు...రాజ్యం సమస్యతో ఆఫీస్లొ పని కూడా చెయ్యబుద్దికావడంలేదు. కెంటీన్ కి వెళ్ళి టీ తాగుతూఉంటె ....హాయ్ అంటూ వచ్చాదు ఆడిటరు గోపాలం. ఏంటి విషయం అని కదిలించేసరికి మొత్తం కద చెప్పి గొల్లుమన్నాడు రాంబాబు. ఓస్ ఇంతేనా ఈమాత్రందానికే ఇంతిలాగైపోవాలా....రాజమండ్రి పక్కన సీతానగరం లొ ఒక ఆశ్రమం ఉంది...ఇలాంటి కేసులకి ఫేమస్ ....అక్కద చూపించు తగ్గకపొతే నన్నడుగు అన్నాడు.

ఏందుకో గోపాలం మాటల మీద గురి కుదిరింది రాంబాబుకి. ట్రీట్మెంట్ అంటె బాదపడుతుందని సరదాగ పాపికొండలు ట్రిప్ అని అబద్దమాడి రాజ్యాన్ని తీసుకుని బయలుదెరాడు రాంబాబు. వాల్వో బస్సు బయలుదేరటానికి రెడీగా ఉంది. బస్సెక్కి సీట్లొ రాజ్యాన్ని కూర్చోమని తను కిందకి దిగాడు. ఎందుకయినా మంచిదని డ్రైవర్ దగ్గరికి వెల్లి ఈ బస్సులో సినిమాలు వేస్తారా అని అడిగాడు మొహమాటపడుతూ.
పొకిరి ఒక్కటే ఉంది సార్ ఎవరైన ఎయ్యమంటె వేస్తాం లేదంటే అదీ లేదు అన్నాడు క్లీనరు.
మనసులో భయంగానే ఉన్నా మాములుగానె ఉన్నట్టు.....వచ్చి భార్య పక్కన కూర్చున్నాడు.
బాస్సు కదిలిన అరగంటకి పొకిరి సినిమా స్టార్ట్ అయ్యింది. రాంబాబుకి బీపీ స్టార్ట్ అయ్యింది.
తలతిప్పి రాజ్యం వంక చూసాడు, ఏదో అర్ధమయ్యినట్టు పక్కకి తిరిగి కళ్ళుమూసుకుని పడుకుంది రాజ్యం.
సినిమా సగం అయ్యింది, రాజ్యం నిద్రపోతూఉంది. బోజనాలకి బస్సు ఆపాడు........15 నిమిషాల తర్వాత బస్సు కదిలింది. పోకిరి సినిమా వెయ్యకుందా ఓన్లీ వీడియో పాటలు పెట్టాడు క్లీనరు. చాలా ఆనందపడ్డాడు రాంబాబు.

మెల్లగా నిద్రలోకి జారుకున్నాడు రాంబాబు.

'హలో సార్, మిమ్మల్నే సార్ '.... ఎవరో లేపుతున్నట్టు అనిపించి ఉలిక్కిపడి లేచాదు రాంబాబు.
ఏంటి అప్పుడే రాజమండ్రి వచ్చెసి.........అడుగుతూ ఎదో పాట పక్కనించి వినిపించేసర్కి తలతిప్పి రాజ్యం వంక చూసాడు.
'ఆహా... నా మాటె వింటారా'
'ఆహా ...నేనడింగిందిస్తారా'
'ఇప్పటికింకా నా వయసు.........' గాఢ నిద్రలో గట్టిగా పాదూతూఉంది రాజ్యం.

క్లీనర్ తనని ఎందుకు లేపాదొ అర్దమయ్యింది......రాత్రి బోజనల్లయ్యాకా రాజ్యం పదుకుందొ లేదో చూడకుండా నిద్రపోవటం తప్పయిపోయింది...... భగవంతుడా ....వెర్రివాడిలాగ గట్టిగా అరిచాడు రాంబాబు, భర్త కేకతొ ఉలిక్కిపడి లేచిన రాజ్యం ఏంటండీ ఏమైనా పీడకల వచ్చిందా ...అని అడగాబొయి నాలిక్కరుచుకుని పక్కకి తిరిగి కళ్ళు మూసుకుని పడుకుంది.

రాజమండ్రిలో హొటల్ రూం తీసుకుని ఫ్రెష్ అయ్యి........సీతానగరం వెళ్ళే బస్సు ఎక్కారు రాంబాబు రాజ్యం.పాపికొండలని సీతానగరం వెల్తున్నామేమిటీ ....అడగబోయి భర్త అసలే కోపంగా ఉన్నాడని ఊరుకుంది రాజ్యం. బస్సుకు ఇంజను,సీట్లు,టాపు తప్పితే ఏమీ లేవు .....పచ్చని పంట పొలాల మద్య బస్సు పొతుంటె చాలా హాయిగా ఉంది రాంబాబు మనసు.
ఆశ్రమం చాలా ప్రసాంతం గా ఉంది. రాజ్యాన్ని బయటే ఉండమని చెప్పి తను వెళ్ళి గురువుగారిని కలవాలి అని చెప్పాడు తలుపు దగ్గర కూర్చున్న అతనితో. 2 నిమిషాల తర్వాత పర్మిషన్ వచ్చింది.
లోపల గురువుగారు మటం వేసుకుని కూర్చున్నారు, ముందుగా ఒక నమస్కారం పెట్టి తర్వాత తన బాదంతా మొరపెట్టుకున్నాడు రాంబాబు.
గురువుగారు రెండు నిమిషాలు కళ్ళుమూసుకుని గట్టిగా శ్వాశ పీలిచి.... అయితే నీ భార్యకి నిద్దట్లో మాట్లాడే జబ్బుందన్నమాట అన్నారు....చిర్రెత్తుకొచ్చింది రాంబాబుకి,చెప్పినదంతావిని మళ్ళె తానేదొ కొత్తగా కనిపెట్టినట్టు చెపుతాడేమిట్రా అనుకుంటూ..అవును స్వామీ అన్నాడు వినయంగా.
మళ్ళీ 2 నిమిషాలు గేప్ ఇచ్చి ..'అందులోనూ కేవలం సినిమా పాటలు టీవీ వార్తలు అన్నమాట...' అన్నారు గురువుగారు. వళ్ళు మండిపోయింది రాంబాబుకి ....అయినా తమాయించుకుని కరెక్టు స్వామీ అన్నాడు.

మళ్ళీ 2 నిమిషాలు గేప్.........ఈసారి నీ భార్య పేరు రాజ్యం అన్నమాట అంటాడేమో..............భయం వేసింది రాంబాబు కి. కళ్ళు తెరిచి దగ్గరికి రమ్మన్నట్టు చూసారు, వెళ్ళాడు రాంబాబు.
నేను నీకొక మంత్రం చెపుతాను .....రోజూ రాత్రి పదుకోపొయేముందు నీ భార్య చెవిలొ 2 సార్లు చెప్పు, సరిగ్గా 10 రోజుల్లో తగ్గిపోతుంది చెప్పారు గురువుగారు. ఆనందంతో డాన్సు చెయ్యాలనిపించింది రాంబాబు కి అయినా అనుమానం గా.....'నిజంగానా స్వామీ' అన్నాడు.
'నిజంగానా అంటే .....ఏమిటి నీ ఉద్దేస్యం' అన్నట్టు చూసారు గురువుగారు రాంబాబు వంక, టక్కున తల వంచుకున్నాడు రాంబాబు.
'కర్మ కర్మే కర్మా కర్మె కరామా కర్మే..............' మంత్రోపదేశం చేసాడు రాంబాబుకి.
ఇదేదో కర్మ శబ్దం లాగా ఉందేమిటి స్వామీ ....నోరుజారేడు రాంబాబు. ట్యూన్ ఒకేలాగా ఉండడంతొ పొరపాటుపడ్డావ్ ఇది చాలా పవర్ఫుల్ మంత్రం....నీ భార్యకి తప్పకుండా నయమవుతుంది....వెళ్ళిరా దీవించారు గురువుగారు.

భక్తితొ వెయ్యినూటపదహార్లు చదివించుకుని బయటపడ్డాడు రాంబాబు.

ఇక్కడకెందుకొచ్చామండీ......ఉండబట్టలేక అడిగేసింది రాజ్యం. నాకు ఈమద్య మనసు బాగుండటంలేదు కదా దానికి ఈ ఆశ్రమం లో స్వామీజీ ఏమైనా సొల్యుషన్ చెప్తారేమో అని ............చెప్పారా.........ఆత్రుతగా అదిగింది రాజ్యం.చెప్పారు....అది చాలా పవుర్ఫుల్ మంత్రం....నీకు కూడా చెప్పమన్నారు, మేటర్ బాగా డీల్ చెస్తున్నందుకు మనసులోనే శేభాష్ రా రాంబాబు అనుకున్నాడు.
ఆఫీసులో అర్జెంటుగా ఏదో పని తగిలింది అని మరో అబద్దమాడి....తిరుగు ప్రయాణానికి సేఫ్ సైడుగా రైలు టిక్కెట్లు తీసుకున్నాడు .
ఇంటికెళ్ళిన మొదటి రోజు రాత్రి ప్రేమగా రాజ్యాన్ని దగ్గరకు పిల్చి ఇప్పుడు నేను నీకో విషయం చెప్తాను...కళ్ళు మూసుకో అన్నాడు రాంబాబు.
'చీ మీరు మరీనూ ...బాబి గాడు ఇంకా నిద్దరోలేదు..' అంది సిగ్గు పడుతూ రాజ్యం.
జుత్తు పీక్కున్నాడు రాంబాబు, నీ బొంద.... అదికాదు విషయం ....గురువుగారు చెప్పిన మంత్రం చెప్తాను కళ్ళు మూసుకో చెపాడు రాంబాబు.
'కర్మ కర్మే కర్మా కర్మె కరామా కర్మే..............' కంగారు పడింది రాజ్యం, ఇదేమి మంత్రమండీ .....సంస్క్రతం లో తిట్టినట్టు.
మంత్రాలు ఇలాగే ఉంటాయి....మనకి అర్దమవ్వవు...నువ్వు కళ్ళు మూసుకుని ఈ మంత్రాన్ని 10 సార్లు మనసులోనే చదువుకుని పడుకో ...చెప్పాదు రాంబాబు.
**********************************
రోజులు గడుస్తున్నాయి ...మంత్రాన్ని రాత్రులే కాకుండా పగలు కూడా ఎప్పుడు పడితే అప్పుడు రాజ్యానికి నూరిపోస్తున్నాడు రాంబాబు. వీలున్నప్పుడల్లా ఆఫీసులోంచే ఫోను చేసి మరీ మంత్రం చెప్తున్నాదు రాజ్యానికి.
నిజంగా మంత్రం మహిమో ... లేక రాజ్యం బుర్రలో మంత్రం గోల తప్ప మరేమీ ఎక్కనీకుండా రాంబాబు చేసిన పకడ్బందీ ఏర్పాట్లో .....మొత్తానికి రాజ్యం నిద్దట్లో పాటలు పాడటం, సినిమా డైలాగులు చెప్పడం...వార్తలు చదవటం మర్చిపోయింది.
రాంబాబు రాత్రిళ్ళు ప్రసాంతంగా నిద్రపోగల్గుతున్నాడు...అయినా రాజ్యానికి మంత్రం నూరిపోయడం మాత్రం మానలేదు. ****************************************
మానేజర్ లేకపోవడంతో....లంచ్ అయ్యాకా కూర్చీలోనే ఒక కునుకు తీసాడు రాంబాబు. 'సార్ సార్....'లేచి ఏంటన్నట్టు చూసాడు అటెండర్ వంక..ఆఫీసులో అందరూ తనవంకే అయోమయంగా చూస్తుండడంతో ...ఏమయ్యింది అని గట్టిగా అడిగాడు రాంబాబు అటెండర్ని .
'మీరు నిద్రలో ...ఏదో కలవరింతలు పలుకుతున్నారు సార్ ' చెప్పాడు అటెండరు.
పిల్లల గురించో లేకపోతే దగ్గర వాళ్ళ గురించో బెంగ పెట్టుకుని నిద్ద్దర్లో కలవరిస్తారు ....అది కూదా ఒక ముక్క...లేక పొతే ఒక లైను. నువ్వేంటయ్యా రాంబాబూ నిద్రలో కర్మ, కర్మ అంటూ పద్యాలు పాడుతున్నావ్....' వెక్కిరింపుగా అంది టైపిస్టు సరోజ.
'పరిస్తితి అర్దమయ్యింది రాంబాబుకి...'
అంటే రాజ్యం జబ్బు నాకు ట్రాన్స్ఫర్ అయ్యిందన్నమాట....కుప్పకూలిపోయాదు రాంబాబు కూర్చీలోనే. ....